新人眼中的最佳影片

BLOGGERS COMMENT

一眾作為用家的新人,可能是最了解婚禮攝錄的人 – 只有令他們雀躍、興奮、感動、難忘的片段,才有資格稱為「最佳婚禮影片」。因此今年,我們特別邀請「婚享同學會」/「靚太Club」會員*參與評分,從他們的角度選出各個組別的最佳影片。以下是幾位人氣Blogger對於婚禮影片的意見,立即看看吧!


  • cocobean

    我覺得一條好嘅婚禮影片要catch the moment,觸動到人、真實,唔會條條video 都係同一個模倒出嚟咁,唔係為咗拍個個shot 而拍。我覺得佢係一段可以play出嚟share嘅回憶,最重要有感動時刻。


    如果可以加入D特別手法拍出嚟,例如time lapse 咁,雖然好花時間,但好特別,令人睇完都印象深刻~~


    至於成長片段好多時都會show 好多唔同嘅合照,每張嘅出現時間都係得幾秒,有D好多人嘅合照,都未睇倒主角就飛走咗… 我睇過有D 加咗3D效果,相中嘅新人會郁郁下咁,好eye catching ,一眼就留意到佢,唔怕睇唔切 / 認錯新人細個咩樣~


    至於婚禮精華片,除咗係一個play出嚟share嘅回憶之外,如果能令觀眾感受到當日嘅氣氛就very good。另外,當日一定會好忙,個腦一片空白,婚禮精華片就係我地雙眼,幫我地capture 住當日我地嘅一切,唔怕miss 咗。

  • smalling

    我選擇自己的大婚攝影vendor時,最看重一樣嘢,就係片段能否令我感動到喊! 因為我相信一段好的影片係能夠將新人感動瞬間捕捉同轉逹到影片裡,感染到在宴會上所有賓客,尤其一D早上出門入門同證婚無出現過在現場的親朋戚友,如果可以整喊曬佢地就係最prefect的婚禮影片啦!


    另外,婚禮影片不能太長,要做到精簡,因為太長的影片真係好悶,如果你話4分鐘或10分鐘片都可以感動到人,我會選擇4分鐘,因為越短時間可以帶出氣氛就更利害了!而且晚宴時間緊張,精簡而有quality就係真正的好影片!


    嚮婚禮創意短片方面,我覺得一味show新人行行企企或整個兩人故事,都已過時~ 如果要令人難忘,相信要反傳統,例如一些當時好hit的主題放入去,又或片中包含各親朋戚友,一定好有意思~


    而婚禮精華片一定要盡量捕捉到全日所有眼淚及笑聲,不一定按順序播,開頭結尾來個超感動抱抱shot或新人哭不成聲的moment,一定好吸引我睇落去和睇完永世難忘~

  • sorpigshan

    我覺得每個人認為好的婚禮影片都不一樣,因為大家的喜好不一,但最重要係捕捉到新人既喜悅,嘉賓的感動場面,每個鏡頭不一定公式化,只需要自然及真情流露,令到重看影片時會心微笑,重溫當時感覺。


    創意短片係希望觀眾留下深刻印象,通常會拍一些時興的歌曲或短片,但我最深刻的一次,係新郎拍攝當初如何認識新娘子的過程,這個短片是surprise gift 俾新娘子,內容雖簡短、但包含了對新娘的感情,全場反應很好。


    之前我出席婚宴比較多,對於成長片段已不再驚喜,我比較喜歡新人會show與平日不一樣的相片或特別的分享。而婚禮精華我最希望見到新人真情流露,有結構或有故事連接,節錄片段不要太零碎。

  • harharley

    好嘅婚禮影片當然係可以吸引我睇晒成段,唔會錯過咁啦!當中感受到新人嘅喜悅同感動,可以令到我睇到一齊笑,一齊感動到喊嘅,就係一條好嘅婚禮影片喇!講到創意短片,當然係指同一般嘅唔同,我覺得多數係擺咗新人自己兩個嘅特別嘅野落去,例如佢地嘅歌、物件、事情等,就自然會特別啲。

  • Fayrothy

    一片好嘅婚禮影片,一定要 capture 到對新人真摯溫馨嘅 moment,睇完令人好感動,並會回心微笑。我曾經睇過一段片,係將所有嘢變成泥膠公仔咁,拍成動畫一樣,令人非常難忘。而背景音樂同開頭舖排,亦係吸引我會繼續睇落去嘅重要因素。

  • Joyeekwan

    我覺得一條好嘅婚禮影片,係要睇完又睇都仲有感動,眼濕濕想喊既感覺~~ 好似婚禮創意短片咁,我曾經睇過朋友一個成長片段,成個短片都係用stop motion嚟做,仲要新人自己出埋鏡咁,好得意,成段片都係自己落手落腳做,好得!XD


    至於成長片段同婚禮精華片,除咗要有感動、想喊嘅感覺之外,我覺得仲要配埋浪漫既音樂,而音樂要同新人嘅故事有關,咁就最good喇~ 因每對新人都有自己嘅故事,總有一首歌可以代表到佢地自己 :D

*投票者必須於2015年11月15日前確認成為「婚享同學會」/「靚太Club」會員會員,並填寫結婚日期及獲核實會籍。未能於指定日期前成為會員之投票者,其票數將歸入公眾投票。